ارجو مساعدتى و الرد على مشكلتى؟

انا انطوائي, وحيد, اشعر دائما بانى مخنوق ولا اجد شيئا كى افعله لذا دائما اجلس على الكمبيوتر و ادخل على الشات محاوله منى ان اصنع اصدقاء للدردشه والدى يشكوان منى لانى انطوائى في المدرسه و البيت و النادى وفي كل مكان ارجو الرد على مشكلتى و مساعدتى باي شيء

صديقي العزيز اولا انت مقولتش ايه السبب اللي خلاك تكون انطوائي بس انت كمان بتقول انك بتعمل صداقات كتير علي النت معني كده انك شخصيه كويسه والناس حابه تتكلم معاها حاول تخرج من الشرنقه اللي انت حابس نفسك فيها وحاول تعمل صداقات مع العالم الخارجي مش عالم الكمبيوتر وبس

المشكله انى مش عارف اكون صداقات حقيقيه و على النت بحاول و ساعات افشل

الاول لازم تعرف النقص او الخلل فين عشان تقدر تعالجه انت بتقول مش قادر تكون صداقات حقيقية في العالم الخارجي يمكن بسبب ان انت مش قادر تتعايش مع الناس حواليك بشكل صحيح اولا مش من السهل انك تلاقي ناس زيك في نفس الميول والاتجاهات وعشان كدة لازم انت تتعمد انك تحاول تحب اللي هما بيحبوه وتكون زيهم وتشوف ايه اللي بيحبوه وايه اللي بيسبب ان العلاقة بينكم تبوظ وتغيره الاصدقاء بينصرفوا من حوالين الانسان اللي بيحب ينفرد برايه او بيحب يكون مختلف عنهم بس المفروض تكونوا زي بعض حاول تلاقي مجموعة وتدخل بينهم وتشوف بيعملوا ايه وبيحبوا ايه وتكون معاهم بس علي فكرة اوعي ده ياثر علي شخصيتك ولا يخليك تلغي كينونتك لكن كن معاهم واجزبهم ليك خليك اذكي منهم كن الشخصية الجذابة بعد ما تخلي نفسك جزء منهم خليهم ينبهروا بيك ويتمنوا هما يكونوا زيك وساعتها هتقدر تكون محور الجروب نصيحة مجربة

تعرف انك لازم تلاقى شىء جديد فى حياتك الصداقات على النت غالبا تكون مش جادة حاول يكون ليك صديق حقيقى حاول تستخدم النت صح حاول تكسب كتير من النت اكسب علم واكسب فلوس اول ما هتلاقى نفسك بقيت مهم وسط اصحابك هيحبوك حب جاد صدقنى دا حل كويس جدا